Թուրքիայի իշխանությունները հրդեհների պատճառով փակել են Դարդանելի նեղուցը։ Այս մասին հաղորդում են տեղական լրատվամիջոցները՝ վկայակոչելով երկրի տրանսպորտի նախարարությանը:
Նշվում է, որ հրդեհներից մեկը բռնկվել է Սարիջաելի բնակավայրի մոտ։ Ուժեղ քամու պատճառով կրակն արագորեն տարածվել է շրջակայքում, այդ թվում՝ գյուղատնտեսական նշանակության հողերում:
Տեղի իշխանությունները հայտնել են, որ կրակի արագ տարածման պատճառով տարհանվել են Կուլե գյուղի բնակիչները, ինչպես նաև Սարիջաելիի ծերանոցը: Հրդեհը մոտեցել է տեղի հիվանդանոցին։
Կրակը մարելու համար ներգրավված են ոչ միայն հարյուրավոր փրկարարներ, այլև ավիացիա։
Կրակի ծուխը տարածվել է Դարդանելի նեղուցում։