ԱՄՆ նախագահ Դոնալդ Թրամփը հայտարարել է, որ Ռուսաստանի նախագահ Վլադիմիր Պուտինի մասին իր կարծիքը չի փոխվել, ինքը Ռուսաստանի առաջնորդին «պինդ պոպոք» է համարում:
«Նա (Պուտինը - խմբ.), անշուշտ, պինդ պոպոք է, այնպես որ, այդ իմաստով ոչինչ չի փոխվել», - Newsmax հեռուստաալիքին տված հարցազրույցում ասել է Թրամփը:
Նա խուսափողական պատասխան է տվել Պուտինի հետ մոտ ժամանակներս բանակցությունների հնարավորության մասին հարցին. «Տեսնենք, թե հետո ինչ տեղի կունենա։ Մենք որոշ հանդիպումներ կունենանք։ Տեսնենք, թե ինչ կլինի»։
Թրամփը նաև հայտարարել է, որ Ուկրաինայի հետ հրադադար չհաստատվելու դեպքում պատրաստ է պատժամիջոցներ սահմանել Ռուսաստանի դեմ, թեև Պուտինը կարողանում է շրջանցել դրանք: