Ուկրաինայի զինուժը հարված է հասցրել Խերսոնի մարզի Վելիկի Կոպանի բնակավայրի առևտրային տարածքներին։ Այս մասին հայտնել է մարզպետ Վլադիմիր Սալդոն:
«Թշնամու անօդաչու սարքը հարձակվել է առևտրի տաղավարների վրա։ Նախնական տվյալով՝ տուժել է վեց մարդ»,- գրել է Սալդոն Telegram-ում։
Տուժածները տեղափոխվել են հիվանդանոց։ Տուժածների թվի և ավերածությունների ծավալների մասին տեղեկությունները ճշտվում են։
Խերսոնի մարզը գտնվում է Դնեպրի ստորին հոսանքում։ Մարզը Ռուսաստանի սուբյեկտ է դարձել 2022 թվականի սեպտեմբերին կայացած հանրաքվեի արդյունքներով։ Ուկրաինան չի ճանաչում հանրային կամարտահայտության լեգիտիմությունը՝ շարունակելով տարածաշրջանի վրա գրոհները։ Այժմ Ռուսաստանի վերահսկողության տակ է գտնվում մարզի տարածքի 75%-ը, իսկ Դնեպրի աջ ափին գտնվող հատվածը, այդ թվում՝ Խերսոն քաղաքը, վերահսկում է ուկրաինական ԶՈւ-ն։