Սևաստոպոլում ուկրաինական գործակալ է ձերբակալվել, որը տվյալներ է հավաքել քաղաքում գտնվող հակաօդային պաշտպանության օբյեկտների վերաբերյալ։ Տեղեկությունը հայտնում է ՌԴ անվտանգության դաշնային ծառայությունը։
«ՌԴ քաղաքացու (ծնված 1978 թվականին) անօրինական գործունեությունը կանխվել է»,– նշել է գերատեսչությունը։
ԱԴԾ-ի տվյալով՝ տղամարդը համակարգողի հանձնարարությամբ Սևաստոպոլում ՀՕՊ–ի մի շարք օբյեկտներ է լուսանկարել և տեսանկարահանել։
Նա ՀՕՊ համակարգերի մարտական հերթապահության անցնելու և դրանց կոորդինատների մասին տեղեկությունները Ուկրաինայի հետախուզությանն է փոխանցել մեսենջերով։
Քրեական գործ է հարուցվել դավաճանության հոդվածով։ Մեղադրյալը խոստովանական ցուցմունք է տվել։ Նրան կարող է ցմահ ազատազրկում սպառնալ։