ԵՐԵՎԱՆ, 1 օգոստոսի — Sputnik. ԱՄՆ նախագահ Դոնալդ Թրամփը ավելի քան 60 երկրի և Եվրամիության նկատմամբ 15-41% մաքսատուրքեր սահմանելու մասին հրամանագիր է ստորագրել: Փաստաթուղթը հրապարակել Է Սպիտակ տունը։
Մաքսատուրքերն ուժի մեջ կմտնեն օգոստոսի 7-ից։ Ամենաբարձր մաքսատուրքերը սահմանվել են Իրաքի (35%), Սերբիայի (35%), Շվեյցարիայի (39%), Լաոսի (40%), Մյանմարի (40%) և Սիրիայի (41%) նկատմամբ:
Ցուցակում տեղ են գտել նաև Ֆոլկլենդյան կղզիները (10%) և Թայվանը (20%):
Հրամանագրում նշվում է, որ ցանկից բացակայող երկրների նկատմամբ կգործի 10% բազային տուրքը:
Թրամփն առանձին հրամանագրով Կանադայի նկատմամբ մաքսատուրքերը 25%–ից բարձրացրել է մինչև 35%։