ԵՐԵՎԱՆ, 24 հունիսի - Sputnik. Իրանի արտաքին գործերի նախարար Աբբաս Արաղչին իրանական պետական հեռուստառադիոընկերության եթերում պատմել է, որ այսօր Մոսկվայում Ռուսաստանի նախագահ Վլադիմիր Պուտինի հետ հանդիպման ժամանակ քննարկվել են դիվանագիտական հարցեր, այդ թվում՝ Իրանի վրա վերջերս կատարված հարձակումները։ Այս մասին հաղորդում է ՌԻԱ Նովոստին։
«Այսօր տեղի է ունեցել լուրջ և կառուցողական հանդիպում պարոն Պուտինի հետ։ Այն տևել է մոտ երկու ժամ։ Մենք քննարկել ենք Իրանի վրա վերջերս կատարված հարձակումները, ինչպես նաև հնարավոր դիվանագիտական քայլերը», - ասել է Արաղչին։
Նախարարը հավելել է, որ ռուսական կողմին տեղեկացրել է հունիսի 20-ին Ժնևում «եվրոպական եռյակի»՝ Ֆրանսիայի, Գերմանիայի և Մեծ Բրիտանիայի ներկայացուցիչների հետ միջուկային ծրագրի վերաբերյալ կայացած բանակցությունների մասին։
«Ռուսական կողմը ներկայացրել է իր մի շարք գաղափարներ, ինչպես նաև հնարավոր միջոցառումներ, որոնք կարող են ձեռնարկվել», - ասել է նա։
Հունիսի 23–ին Կրեմլում տեղի է ունեցել Իրանի արտգործնախարար Աբբաս Արաղչիի հետ հանդիպումը ՌԴ նախագահ Վլադիմիր Պուտինի հետ։