Ուկրաինայի զինված ուժերն առավոտյան հարվածել են Դոնեցկի այն շրջանին, որտեղ գտնվում են միայն քաղաքացիական օբյեկտներ և խաղաղ բնակիչներ։
ԴԺՀ ղեկավար Դենիս Պուշիլինի խոսքով՝ վիրավորվել է 14 մարդ։ Նա մանրամասնել է, որ հարվածը հասցվել է ամերիկյան HIMARS հեռահար հրթիռներով։
Դոնեցկի քաղաքապետ Ալեքսեյ Կուլեմզինի խոսքով՝ կան նախնական տեղեկություններ զոհվածների մասին, նրանց թիվը ճշտվում է։
Բնակելի շենքն ամբողջությամբ ավերվել է, վնասվել են կոմունալ ծառայություններ և մեքենաներ։ Հրթիռների կտորներ են ընկած գետնին։
Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Մարտական գործողություններն ընթանում են մինչ օրս։
Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։