Ռուս մեծ բանաստեղծ Ալեքսանդր Սերգեևիչ Պուշկինի ծննդյան օրը Երևանի կենտրոնում՝ բաց երկնքի տակ, իսկական գրական-մշակութային ներկայացում է ծավալվել: Մշակութային նախագծերի ղեկավար Նատալյա Սահակյանի խոսքով՝ այս տոնն արդեն ավանդական է դարձել և անցկացվում է երրորդ տարին անընդմեջ:
Սիրահարների այգում տեղադրված 4 թեմատիկ տաղավարներում անցկացվել են ժողովրդական արհեստների վարպետության դասեր, խաղեր, պարեր և մրցույթներ, ասմունքել են Պուշկինի բանաստեղծությունները, ինչպես նաև գործել են լուսանկարահանման հատվածներ:
Տոնն ավարտվել է Ռոսսոտրուդնիչեստվոյի կողմից անցկացված մրցույթների և օլիմպիադաների հաղթողներին մրցանակների հանձնման արարողությամբ: