ԵՐԵՎԱՆ, 22 մայիսի - Sputnik. ՌԴ նախագահի մամուլի քարտուղար Դմիտրի Պեսկովը հայտնել է, որ Կրեմլում տեսել են Բրազիլիայում ռուսական հետախուզական ցանցի իբր բացահայտման մասին հաղորդագրությունները:
«Մենք իսկապես տեսել ենք այդ հաղորդագրությունները, որևէ կերպ չենք կարող մեկնաբանել։Մենք վարչակազմում նման տեղեկատվության չենք տիրապետում», - ասել է նա լրագրողներին ի պատասխան համապատասխան հարցի։
Ավելի վաղ The New York Times թերթը, հղում անելով սեփական հետաքննության արդյունքներին, նշել էր, որ Բրազիլիայի հակահետախուզությունը 2022 թվականի ապրիլից ի վեր առնվազն ինը ռուս գործակալ է բացահայտել, որոնք տարիներ շարունակ այնտեղ ապրել են բրազիլական անձնագրերով՝ սպասելով հանձնարարությունների ԱՄՆ-ում, Եվրոպայում և Մերձավոր Արևելքում: