ՌԴ արտգործնախարար Սերգեյ Լավրովն արդեն Հայաստանում է։
«Զվարթնոց» օդանավակայանում նրան դիմավորել են ՀՀ փոխարտգործնախարար Մնացական Սաֆարյանը, ՀՀ–ում ՌԴ դեսպան Սերգեյ Կոպիրկինը և ՌԴ–ում ՀՀ դեսպան Գուրգեն Արսենյանը։
Սերգեյ Լավրովը Հայաստանում կգտնվի մայիսի 20-ից 21-ը։
Մայիսի 21-ին ԱԳՆ-ում կկայանա ՀՀ արտաքին գործերի նախարար Արարատ Միրզոյանի և Սերգեյ Լավրովի հանդիպումը, որին կհաջորդի նախարարների համատեղ ասուլիսը:
Հանդիպումներ են նախատեսված նաև ՀՀ վարչապետ Նիկոլ Փաշինյանի և ՀՀ նախագահ Վահագն Խաչատուրյանի հետ։
Նախորդ անգամ Լավրովը Երևան էր այցելել 2022 թվականի հունիսին։