Capture the Atlas ճանապարհորդական բլոգը հրապարակել է «Ծիր Կաթինի տարվա լուսանկարիչ» 8-րդ ամենամյա մրցույթի 25 լավագույն լուսանկարների ընտրանին։ Լուսանկարներն արվել են ամբողջ աշխարհից, այդ թվում, պատմության մեջ առաջին անգամ, տիեզերքից։
«Milky Way Photographer of the Year 2025» մրցույթին ավելի քան 6000 հայտ է ներկայացվել։ Ընդգրկվել են 16 տարբեր ազգությունների լուսանկարիչների աշխատանքներ, որոնք արվել են աշխարհի 25 կետից, այդ թվում Չիլիից, ԱՄՆ-ից, Հունաստանից, Շվեյցարիայից, Գվատեմալայից, Ավստրալիայից, Նոր Զելանդիայից, Թայվանից, Արգենտինայից, Եմենից, Չադից, Հնդկաստանից, Ֆրանսիայից, Նամիբիայից, Իսպանիայից և Պորտուգալիայից։
Այս տարի մրցութային լուսանկարների հավաքածուն ներառում է Ծիր Կաթինի եզակի լուսանկարը, որն արվել է Միջազգային տիեզերակայանից՝ ՆԱՍԱ-ի տիեզերագնաց Դոն Փեթիթի կողմից: Բացի Ծիր Կաթինից, հավաքածուում կարելի է տեսնել գիսաստղ, երկնաքարային անձրև և Լուսնի խավարում:
Ծիր Կաթինի սեզոնը Հյուսիսային կիսագնդում սովորաբար տևում է փետրվարից մինչև հոկտեմբեր, իսկ Հարավային կիսագնդում՝ հունվարից մինչև նոյեմբեր, ընդ որում՝ այս գալակտիկայի ամենաերկար դիտվող ժամանակահատվածը մայիս-հունիսին է։
Ներկայացնում ենք լավագույն 25 լուսանկարներից 12-ը։