ԵՐԵՎԱՆ, 12 մայիսի – Sputnik. Լիբանանում ՌԴ դեսպան Ալեքսանդր Ռուտակովը այցելել է Անթիլիաս և հանդիպել Մեծի Տան Կիլիկյո կաթողիկոս Արամ Ա–ի հետ։ Այս մասին գրված է Արամ Ա–ի ֆեյսբուքյան էջում։
Նշում է, որ նրան ուղեկցել է Լիբանանի և Սիրիայի ռուսական համայնքի առաջնորդ Հայր Ֆիլիպը։
«Ավելի քան մեկ ժամ տևած հանդիպման ընթացքում նրանք անդրադարձել են Հայաստանի, Ռուսաստանի և Ադրբեջանի միջև հարաբերություններին, ընդհանուր առմամբ Մերձավոր Արևելքում տիրող իրավիճակին»,– նշված է հաղորդագրությունում։
Հանդիպման ժամանակ քննարկվել են նաև հայկական և ռուսական եկեղեցիների փոխադարձ հարաբերություններն ու Լիբանանի հետ կապված խնդիրներ: