ԵՐԵՎԱՆ, 26 ապրիլի - Sputnik. ԱՄՆ նախագահ Դոնալդ Թրամփը Հռոմի պապ Ֆրանցիսկոսի հուղարկավորության արարողությանը մասնակցելուց անմիջապես հետո մեկնել է, հայտնում է CNN հեռուստաալիքը:
«ԱՄՆ նախագահ Դոնալդ Թրամփն ու առաջին տիկին Մելանյա Թրամփը Air Force One օդանավով լքել են Հռոմը։ Վատիկանում հոգեհանգստյան պատարագի ավարտից հետո Թրամփ ամուսինները շատ արագ հեռացել են», - ասվում է հեռուստաալիքի հաղորդագրության մեջ։
Ավելի վաղ ուկրաինական լրատվամիջոցները հայտնել են, որ Վլադիմիր Զելենսկին և Դոնալդ Թրամփը կարճատև հանդիպում են անցկացրել Սուրբ Պետրոսի տաճարում՝ եկեղեցում արարողությունից անմիջապես հետո. հանդիպումը տևել է 15 րոպե:
Sky News-ը գրել էր, որ հուղարկավորությունից հետո Թրամփի և Զելենսկու բանակցությունները կշարունակվեն: Սպիտակ տունը երկու առաջնորդների կարճատև հանդիպումն անվանել է արդյունավետ: Ավելի ուշ Զելենսկին տաղավարում մի բաժակ սուրճի շուրջ հանդիպում է ունեցել Ֆրանսիայի նախագահ Մակրոնի հետ։ Ուկրաինական ԶԼՄ-ները դա անվանել են «կարևոր բանակցություններ»:
Հռոմի պապ Ֆրանցիսկոսը մահացել է ապրիլ 21-ին՝ 88 տարեկան հասակում: Նա կաթոլիկ եկեղեցին գլխավորել է 2013 թվականի մարտից։