Ազգային ժողովում այսօր իրավիճակը լարվեց, և հրմշտոց սկսվեց ընդդիմադիր ու իշխանական պատգամավորների միջև։
Իրավիճակը թեժացավ «Քաղաքացիական պայմանագիր» խմբակցության ղեկավար Հայկ Կոնջորյանի ելույթից հետո, երբ նա սկսեց վիրավորական արտահայտություններ թույլ տալ ՀՅԴ–ական պատգամավորների հասցեին։
ԱԺ նախագահ Ալեն Սիմոնյանն էլ հավելեց, որ ՀՅԴ պատգամավորները ներքին վեճ ունեն։
«Դուք դաշնակցականներով ներքին վեճ ունեք, իսկ «Հայաստան» խմբակցության մյուս պատգամավորներն էլ պլեն են ընկել այս խոսակցությանը»,– հայտարարեց Սիմոնյանը` ընդդիմադիր պատգամավորներին հորդորեց նստել տեղները և մնալ օրենքի սահմաններում։
Տեղից արձագանքեց «Հայաստան» խմբակցության պատգամավոր Գառնիկ Դանիելյանը, այնուհետև բղավոցներ լսվեցին, և ընդդիմադիր պատգամավոր Գեղամ Մանուկյանի և իշխող «Քաղաքացիական պայմանագիր» խմբակցության անդամ Վահե Ղալումյանի միջև քաշքշուկ սկսվեց:
Ալեն Սիմոնյանը հրահանգեց անջատել ուղիղ եթերը, ինչից հետո ՊՊԾ աշխատակիցները մտան նիստերի դահլիճ։
Հայտարարվեց ընդմիջում։