Համլետ Մանուկյանը մարմնամարզության աշխարհի գավաթի հաղթող է

ԵՐԵՎԱՆ, 18 ապրիլի - Sputnik. Կատարի մայրաքաղաք Դոհայում ընթացող սպորտային մարմնամարզության աշխարհի գավաթի խաղարկության 5-րդ փուլում գերազանց է հանդես եկել Հայաստանի հավաքականի անդամ Համլետ Մանուկյանը։

17-ամյա մարմնամարզիկը նժույգ թափերի վարժություններում ստացել է 14.700 գնահատականը և դարձել ոսկե մեդալակիր։ Մանուկյանը ոսկե մեդալ էր նվաճել նաև աշխարհի գավաթի խաղարկության 4-րդ փուլում։

Նույն փուլում Մամիկոն Խաչատրյանը 13,166 միավորով զբաղեցրել է 7-րդ տեղը։

Նշենք, որ Աշխարհի գավաթի հինգերորդ փուլի եզրափակիչ են դուրս եկել նաև Վահագն Դավթյանն ու Արթուր Ավետիսյանը (օղակներ), Մամիկոն Խաչատրյանը (նժույգ թափեր) և Արթուր Դավթյանը (հենացատկ)։