ԵՐԵՎԱՆ, 13 ապրիլի – Sputnik. Իրանն ու ԱՄՆ-ն խորհրդակցություններ են անցկացնում բանակցությունների հաջորդ փուլի անցկացման վայրի վերաբերյալ, ասել է Իրանի ԱԳՆ ներկայացուցիչ Իսմայիլ Բաղային, հաղորդում են իրանական ԶԼՄ-ները:
«Ներկայումս քննարկում ենք՝ բանակցությունները տեղի կունենան Օմանո՞ւմ, թե՞ մեկ այլ տեղ, բայց Օմանը ամեն դեպքում կշարունակի միջնորդի դեր խաղալ։ Կարևոր է նշել, որ ձևաչափը կմնա անուղղակի, և դրանք կշարունակվեն Օմանի միջնորդությամբ», - ասել է Բաղաին։
Ինչպես հայտնի է, ապրիլի 12-ին Օմանի մայրաքաղաք Մասկատում տեղի են ունեցել Իրանի ԱԳ նախարար Աբբաս Արաղչիի և Մերձավոր Արևելքի հարցերով ԱՄՆ նախագահի հատուկ բանագնաց Սթիվ Ուիտկոֆի անուղղակի բանակցությունները:
Օմանում անցկացված բանակցությունների մթնոլորտը կառուցողական էր անվանել Իրանի ԱԳՆ-ն: Կողմերը պայմանավորվել են բանակցությունները շարունակել մեկ շաբաթից։