ԵՐԵՎԱՆ, 12 ապրիլի – Sputnik. Սպորտային մարմնամարզության աշխարհի գավաթի խաղարկության 4-րդ փուլում Արթուր Ավետիսյանը բրոնզե մեդալ է նվաճել։ Տեղեկությունը հայտնում է Հայաստանի մարմնամարզության ֆեդերացիան։
Առաջնությունն անցկացվում է Խորվաթիայի Օսիեկ քաղաքում։ Նշվում է, որ Ավետիսյանը օղակներ վարժությունում վաստակել է 14,466 միավոր։
Նշենք, որ այսօր նժույգ թափեր և օղակներ վարժությունների մրցումների եզրափակիչ փուլն է, իսկ ապրիլի 13-ին տեղի կունենա հենացատկի եզրափակիչը։
Վաղը հենացատկերի եզրափակիչում հանդես է գալու օլիմպիական խաղերի մեդալակիր, աշխարհի և Եվրոպայի չեմպիոն Արթուր Դավթյանը։