ԵՐԵՎԱՆ, 12 ապրիլի - Sputnik. Անթալիայի դիվանագիտական համաժողովի ժամանակ ՌԴ ԱԳ նախարար Սերգեյ Լավրովին «դիվանագիտական ռոք աստղ» են անվանել։ Այս մասին հայտնել է ՌԴ ԱԳՆ պաշտոնական ներկայացուցիչ Մարիա Զախարովան Telegram-ի իր ալիքում։
Անթալիայի դիվանագիտական համաժողովը
© Photo : press office of MFA of RF
«Այն, ինչ կատարվում է դահլիճում, հնարավոր չէ փոխանցել ո՛չ բառերով, ո՛չ լուսանկարներով։ Չնայած առցանց հեռարձակմանը, մարդիկ մի քանի շարքով կանգնած, հատակին նստած ցանկանում են անձամբ ներկա լինել... ձախողված «մեկուսացման» տրամաբանական արդյունքին։ Հանուն ինչի «բայդենոիդները» պայքարել են, դա էլ ստանում են», - նշել է Զախարովան։
Անթալիայի դիվանագիտական համաժողովը
© Photo : press office of MFA of RF
Հիշեցնենք, որ ապրիլի 11-13-ը Անթալիայում անցկացվում է դիվանագիտական ամենամյա համաժողովը, որին մասնակցում են տարբեր երկրների, այդ թվում՝ Հայաստանի արտգործնախարարներն ու դիվանագետները: