Ֆինանսների նախարարությունը քննարկում է էլեկտրական շարժիչներով փոխադրամիջոցների գույքահարկի հարկման համակարգում փոփոխությունների հնարավորությունը։ Այդ խնդրանքով կառավարություն էր դիմել մի քաղաքացի։ Խնդիրը հետևյալն է. մեքենայի գույքահարկի չափը որոշվում է ըստ ձիաուժի, ինչն Էլեկտրամոբիլների դեպքում մեծ է։
Այստեղ կա նաև մեկ այլ նրբություն` պաշտոնական ներկայացուցիչների ներմուծած մեքենաների բնութագրերում նշված է նոմինալ հզորությունը. դա այն հզորությունն է, որով մեքենան կարող է երկարատև և հուսալի աշխատել։ Մինչդեռ հիմնականում չինաստանից ներմուծված մեքենաների դեպքում նշվում է պիկային հզորությունը։ Բնականաբար նոմինալն ավելի ցածր է լինում, քան պիկայինը ու ստացվում է, որ էլեկտրամոբիլների համար մարդիկ վճարում են գույքահարկի տարբեր գումարներ։
Խնդրի շուրջ Sputnik Արմենիան զրուցել է ավետոմեքենա ներմուծող Վարդան Մկրտչյանի հետ։