Իրանի արտգործնախարարը Հայաստանում էր. այցը պաշտոնական էր։ Աբբաս Արաղչին կրկնեց Իրանի պաշտոնական տեսակետը սահմանների անխախտելիության մասին, նշեց, որ Իրանը կողմ է ճանապարհների ապաշրջփակամանը, բայց ըստ ազգային օրենքների, հարգելով ինքնիշխանությունն ու տարածքային ամբողջականությունը` ընդգծելով, որ սրանից բացի այլ ուղի ընդունելի չէ։
Քննարկվում է Հայաստանի և Իրանի բեռնափոխադրողների համար պարզեցումներ սահմանելու առաջարկ, մանսնավորապես սահմանին հայկական բեռնատարների վարորդների համար դիզվառելիքի թանկացման հարցը կարգավորելու համար։ Աբբաս Արաղչին հայտարարեց, որ վարորդների և բեռնատարների համար ճանապարհը պետք է լինի հեշտ, ծախսերը` նվազեն։
Իրանի արտգործնախարարի երևանյան այցը խնդրել ենք վերլուծել իրանագետ Գարիկ Միսակյանին։