ԵՐԵՎԱՆ, 17 մարտի – Sputnik. ԱՄՆ ԶՈւ–ն նախատեսում է Գերմանիայում գտնվող իր ռազմակայաններից հարյուրներով տեխնիկա և տրանսպորտային միջոցներ տեղափոխել Հայաստանի զորավարժարաններ։ Այս մասին հայտնում է RT-ն, որն ուսումնասիրել է ԱՄՆ պետգնումների կայքը։
Կայքի տվյալներով՝ Միացյալ Նահանգների բանակի նյութատեխնիկական ապահովման հրամանատարությունը նախատեսում է տեխնիկա տեղափոխել Գերմանիայի «Դյուլմեն» ռազմաբազայից Հայաստանի «Զառ» ուսումնական կենտրոն։
Նշվում է, որ տեղափոխումը տեղի կունենա հուլիսի 16-ից օգոստոսի 7-ը։ Գերմանիա տեխնիկան կվերադարձվի 2025 թվականի օգոստոսի 21-ից սեպտեմբերի 20-ն ընկած ժամանակահատվածում։
Պայմանագրով նախատեսվում է նաև տեխնիկայի տեղափոխում Հայաստանի Արմավիրի զորավարժարանից վրացական Փոթի նավահանգիստ։
Ընդհանուր առմամբ, նախատեսվում է տեղափոխել 151 միավոր տեխնիկա, այդ թվում՝ տրանսպորտային միջոցներ, գեներատորներ և հատուկ բեռնարկղեր։