ԵՐԵՎԱՆ, 15 մարտի - Sputnik. Կոնստանտին Բեգիջանովը նշանակվել է Եվրասիական տնտեսական հանձնաժողովի (ԵԱՏՄ գործադիր մարմին) առևտրային քաղաքականության վարչության փոխտնօրեն: Այս մասին հայտնում է հանձնաժողովի մամուլի ծառայությունը։
2008-2020 թվականներին Բեգիջանովը հայկական և ռուսական ձեռնարկություններում աշխատել է տարբեր պաշտոններում: 2011-17թթ. ղեկավարել է Հայաստանում ռուսական «Պրոգրեսստեխ» ինժեներական ընկերության դուստր ձեռնարկությունը:
Ընկերությունն ավիացիոն և ավտոմոբիլային սարքավորումների կառուցվածքների ամրության և օպտիմալացման համար իրականացրել է հաշվումներ՝ կատարելով պատվերներ, այդ թվում` Միացյալ ավիացիոն կորպորացիայից («Սուխոյ» քաղաքացիական ինքնաթիռների արտադրողը)։ 2017-2020 թվականներին Կոնստանտին Բեգիջանովը եղել է շարժական սարքերից ստացվող դինամիկ տվյալների մշակման և վերլուծության մեջ մասնագիտացած «Միննովա.AM» տեխնոլոգիական ընկերության համահիմնադիր և գլխավոր տնօրեն։
2020 թվականի մարտից մինչև 2021 թվականի մարտն աշխատել է ԵՏՀ արդյունաբերության և ագրոարդյունաբերական համալիրի նախարար Արտակ Քամալյանի օգնականի պաշտոնում։
2021 թվականի մարտից մինչև 2025 թվականի մարտը պաշտոնավարել է, որպես ԵՏՀ հակամենաշնորհային կարգավորման վարչության տնօրենի տեղակալ։