Խոշոր միջոցառմանը մասնակցում են 30 երկրների պատվիրակություններ և ռազմարդյունաբերական ոլորտի ավելի քան 150 տեղական և արտասահմանյան ընկերությունների ներկայացուցիչներ:
Հնդկաստանի իշխանությունները մտադիր են ցուցադրել սեփական ռազմարդյունաբերության նորագույն մշակումները, ինչպես նաև ծանոթանալ գործընկերների նորություններին։ Նախատեսվում է, որ մի քանի միլիարդ դոլարի գործարքներ կկնքվեն։
Ցուցահանդեսում ներկայացված են նաև ռուսական Սու-57 կործանիչն ու ամերիկյան F-35 Lightning II–ը, երկուսն էլ` հինգերորդ սերնդի։ Այն, որ ռուսական և ամերիկյան կործանիչները ներկայացվում են նույն հարթակում, բացառիկ երևույթ է։ Ու թեև օդանավավարության տեսանկյունից երկու ինքնաթիռներն անհամեմատելի են, պետք է նշել, որ դրանք ռազմատեխնիկական մտքի եզակի օրինակներ են։
Բացի այդ, ցուցահանդեսը խոստանում է նոր էջ բացել Ռուսաստանի համար ռազմարդյունաբերության ոլորտում ավանդական և այլ գործընկերների հետ համագործակցության առումով։