ԵՐԵՎԱՆ, 10 փետրվարի - Sputnik. «Ռոսկոմնադզորը» արգելափակել է հասանելիությունը BestChange կրիպտոփոխանակման ագրեգատորին՝ ֆինանսական ոլորտում օրենսդրության խախտման պատճառով: Այս մասին հայտնում է ՌԻԱ Նովոստին՝ հղում անելով գերատեսչության մամուլի ծառայությանը։
«Նշված կազմակերպության ռեսուրսին հասանելիությունը սահմանափակվել է 2025 թվականի փետրվարի 9-ին՝ ֆինանսական ոլորտում օրենսդրության խախտման պատճառով»,-պատասխանել է Ռոսկոմնադզորը BestChange կրիպտոփոխանակման կետերի ագրեգատորի արգելափակման մասին հարցին:
Ընկերության կայքում նշվում է նաև, որ ագրեգատորն արգելափակված է Ռուսաստանում։ Նշվում է նաև, որ ներկայումս ընկերությունը լուծում է խնդիրը։
BestChange-ը անվճար ինտերնետային ծառայություն է, որն օգնում է կրիպտո և էլեկտրոնային արժույթների առավել շահավետ փոխարժեքներով փոխանակման կետեր գտնել․ այն գործարկվել է 2007 թվականին: Կայքում նշվում է, որ ծառայությունն առաջատարն է փոխանակման կետերի մոնիթորինգ իրականացնողների շարքում: