ԵՐԵՎԱՆ, 28 հունվարի – Sputnik. Հրդեհ է բռնկվել Երևանի Արին Բերդի փողոցում գտնվող կահույքի արտադրամասի պահեստային հատվածում։ Տեղեկությունը հայտնում է ՀՀ ՆԳՆ փրկարար ծառայությունը։
Երևանի Արին Բերդի փողոցում գտնվող կահույքի արտադրամասի պահեստային հատվածի հրդեհը
© Photo : Screenshot / Shamshyan.com
Ճգնաժամային կառավարման ազգային կենտրոնը հրդեհի մասին ահազանգը ստացել է 15։40-ի սահմաններում։
Դեպքի վայր է մեկնել վեց մարտական հաշվարկ։ Հայտարարվել է հրդեհի բարդության «Թիվ 2» աստիճան։
Երևանի Արին Բերդի փողոցում գտնվող կահույքի արտադրամասի պահեստային հատվածի հրդեհը
© Photo : Screenshot / Shamshyan.com
Shamshyan.com-ը նաև հրդեհի վայրում նկարահանած տեսանյութ է հրապարակել։
Կադրերում երևում է, որ թանձր ծուխ է դուրս գալիս շինության երրորդ հարկի պատուհաններից։ Հրշեջները սանդուղքներով մոտեցել են պատուհաններին՝ մարելու կրակը։