Ցուցարարներն անվադողեր են այրում Կինշասայում ԱՄՆ-ի և Ֆրանսիայի դեսպանատան առջև

Ցուցարարները բողոքի ակցիա են անցկացնում Կոնգոյի Դեմոկրատական Հանրապետության մայրաքաղաքում ամերիկյան և ֆրանսիական դեսպանատների առջև:

Ակցիայի մասնակիցները պահանջում են երկրի արևելքում իրավիճակի կարգավորմանը միջազգային հանրության ավելի մեծ միջամտություն։

Նախօրեին հայտնի է դարձել, որ M23 խմբավորման զինյալները գրավել են Ռուանդայի հետ սահմանին գտնվող Գոմա խոշոր քաղաքը։ Կոնգոյի Դեմոկրատական Հանրապետության իշխանությունները և ՄԱԿ-ի փորձագետները Ռուանդայի ղեկավարությանը մեղադրում են ապստամբներին աջակցելու մեջ: