Ռուսական զորքը վերահսկողության տակ է վերցրել Խարկովի մարզի Զապադնոյե բնակավայրը

ԵՐԵՎԱՆ, 22 հունվարի – Sputnik. Ռուսական զորքը վերահսկողության տակ է վերցրել Խարկովի մարզի Զապադնոյե բնակավայրը։ Տեղեկությունը հայտնում է ՌԴ պաշտպանության նախարարությունը։

Բացի այդ, նրանք խոցել են Ուկրաինայի զինված ուժերի չորս բրիգադների կենդանի ուժն ու տեխնիկան Խարկովի մարզի Կամենկա, Զելյոննի Գայ, Դվուրեչնայա, Գլուշկովկա և Լոզովայա, ինչպես նաև ԴԺՀ-ի Յամպոլ, Սևերսկ և Կոլոդեզի բնակավայրերում:

«Հակառակորդի կորուստները կազմել են ավելի քան 460 զինծառայող, մեկ տանկ, յոթ մարտական զրահապատ մեքենա, այդ թվում՝ ԱՄՆ արտադրության երկու M113 զրահամեքենա։ Ոչնչացվել է 14 պիկապ, դաշտային հրետանու վեց հրազեն և զինամթերքի երկու դաշտային պահեստ»,-նշել են ՌԴ ՊՆ-ում։

Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ ռազմական հատուկ գործողություն սկսելու որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։

Պուտինի խոսքով` նպատակը մեկն է` պաշտպանել նրանց, ովքեր 8 տարի շարունակ ծաղրի ու ցեղասպանության են ենթարկվել Կիևի ռեժիմի կողմից, և դրա համար նախատեսվում է իրականացնել Ուկրաինայի ապառազմականացում, դատի տալ բոլոր ռազմական հանցագործներին, որոնք պատասխանատու են Դոնբասի խաղաղ բնակիչների դեմ արյունալի հանցագործությունների համար: Արևմուտքի երկրներն ի պատասխան լայնածավալ պատժամիջոցներ են սահմանել Ռուսաստանի դեմ։