ԵՐԵՎԱՆ, 13 հունվարի – Sputnik. Կալիֆոռնիայում անտառային հրդեհների հետևանքով մահացածների թիվը հասել է 24-ի։ Տեղեկությունը հայտնում է Լոս Անջելեսի շրջանի դատաբժշկական փորձաքննության բյուրոն։
Գերատեսչության տվյալներով՝ 16 մարդ մահացել է հյուսիսարևելյան մասում գտնվող Իտոնում բռնկված հրդեհից, 8-ը` արևմտյան մասում գտնվող Փալիսայդ շրջանում բռնկված հրդեհից:
Ամերիկյան լրատվամիջոցները հայտնում են, որ առաջիկա օրերին հրդեհները կշարունակվեն, քանի որ քամու ուժգնացում է կանխատեսվում։
Հիշեցնենք` անկախ կազմակերպությունների գնահատականներով՝ ԱՄՆ–ում բռնկված հրդեհների հասցրած վնասները կարող են հասնել 150 միլիարդ դոլարի։ Այրվել են ավելի քան 10 հազար շինություններ, այդ թվում՝ դպրոցներ, եկեղեցիներ։ Ավելի քան 180 հազար մարդ տարհանման հրահանգ է ստացել։
Հրդեհները հասել են նաև հայաշատ քաղաքներ, հայ համայնքի ներկայացուցիչները ևս գույքային վնասներ են կրել, ամբողջությամբ այրվել է Սահակ-Մեսրոպ վարժարանը։