ԵՐԵՎԱՆ, 1 հունվարի - Sputnik. ԱՄՆ-ի Նոր Օռլեան քաղաքում վարորդը բեռնատարով մխրճվել է բազմության մեջ և կրակ բացել, նախնական տվյալներով՝ կան զոհեր: Այս մասին հայտնում է ՌԻԱ Նովոստին՝ վկայակոչելով CBS հեռուստաալիքը։
«Այսօր առավոտյան (տեղական ժամանակով - խմբ.) Նոր Օռլեանի ֆրանսիական թաղամասի Բուրբոն-սթրիթում ավտոմեքենան մխրճվել է ամբոխի մեջ,բազմաթիվ զոհերի մասին տեղեկություններ են ստացվել»,-ասված է հաղորդագրության մեջ:
Ինչպես հեռուստաալիքին պատմել են ականատեսները, բեռնատարը մեծ արագությամբ մխրճվել է Բուրբոն-սթրիթում հավաքված բազմության մեջ, այնուհետև վարորդը դուրս է եկել մեքենայից և սկսել կրակել, ինչից հետո ոստիկանությունը պատասխան կրակ է բացել:
Զոհերի ճշգրիտ թիվը չի նշվում։