Ցերեկը տեղումներ կդիտվեն, լեռնային գոտիներում` ձյան տեսքով. եղանակի տեսություն

ԵՐԵՎԱՆ, 27 դեկտեմբերի – Sputnik. Հայաստանի Հանրապետության տարածքում դեկտեմբերի 27-ի ցերեկը, 28-ին շրջանների զգալի մասում, 29-ի գիշերն առանձին շրջաններում սպասվում են տեղումներ, լեռնային և նախալեռնային գոտիներում ձյան տեսքով։ Դեկտեմբերի 29-ի ցերեկը, 30-31-ին սպասվում է առանց տեղումների եղանակ։ Տեղեկությունը հայտնում է ՀՀ ՇՄՆ Հիդրոօդերևութաբանության և մոնիտորինգի կենտրոնը։

Քամին արևմտյան է, 2-4մ/վ արագությամբ, դեկտեմբերի 28-ին առանձին հատվածներում սպասվում է քամու ուժգնացում՝ 15-18 մ/վրկ արագությամբ։ Օդի ջերմաստիճանը դեկտեմբերի 27-28-ի ցերեկը աստիճանաբար կնվազի 4-6 աստիճանով։

Երևան քաղաքում դեկտեմբերի 27-ի ցերեկը, 28-ին և 29-ի գիշերը սպասվում են տեղումներ, բարձրադիր գոտում ձյան տեսքով։ Դեկտեմբերի 29-ի ցերեկը, 30-31-ին սպասվում է առանց տեղումների եղանակ։

Մայրաքաղաքում դեկտեմբերի 27–ի ցերեկը կլինի 4-6 աստիճան տաքություն, իսկ երեկոյան ժամերին կգրանցվի +1...+3 աստիճան։