Ամենատաքը Սյունիքում կլինի, ամենացուրտը` Շիրակում. եղանակի տեսություն

ԵՐԵՎԱՆ, 23 դեկտեմբերի – Sputnik. Հայաստանի Հանրապետության տարածքում դեկտեմբերի 23-ին, 24-ի ցերեկը, 25-26-ին սպասվում է առանց տեղումների եղանակ։ Դեկտեմբերի 24-ի գիշերը, 27-ի ցերեկն առանձին շրջաններում սպասվում է թույլ ձյուն։ Տեղեկությունը հայտնում է ՀՀ ՇՄՆ Հիդրոօդերևութաբանության և մոնիտորինգի կենտրոնը։

Քամին արևմտյան է, 3-6մ/վ արագությամբ։ Օդի ջերմաստիճանն էապես չի փոխվի։

Երևան քաղաքում ևս դեկտեմբերի 23-ին, 25-27-ին սպասվում է առանց տեղումների եղանակ։ Դեկտեմբերի 24-ի գիշերը հնարավոր է թույլ ձյուն։

Մայրաքաղաքում դեկտեմբերի 23-ի ցերեկը կլինի 7-9 աստիճան տաքություն, իսկ երեկոյան ժամերին կգրանցվի 0...2 աստիճան տաքություն։