ԵՐԵՎԱՆ, 21 դեկտեմբերի – Sputnik. Ադելիա Պետրոսյանը դարձել է Օմսկում ընթացող գեղասահքի Ռուսաստանի առաջնության հաղթող։
Պետրոսյանը լավագույն արդյունք է ցույց տվել ինչպես կարճ ծրագրում, այնպես էլ ազատ մենասահքում և հավաքել 262,92 միավոր։
Երկրորդ տեղը զբաղեցրել է Դարյա Սադկովան (234,69), իսկ երրորդը` Ալինա Գորբաչովան (223,92)։ Անցյալ տարի նույնպես Պետրոսյանը հաղթել էր այս նույն առաջնությունում։
Չմշկորդների միջազգային միությունը (ISU) դեկտեմբերի 20-ին թույլ է տվել ռուս գեղասահորդներին չեզոք կարգավիճակով մասնակցել 2026 թվականի Օլիմպիական խաղերի ընտրությանը։ Պեկինի որակավորման մրցաշարում կարող են հանդես գալ մեկական մասնակից կամ զույգ՝ յուրաքանչյուր մարզաձևում: