ԵՐԵՎԱՆ, 17 դեկտեմբերի – Sputnik. Լոռու մարզում ավտովթար է տեղի ունեցել, որի հետևանքով 2 մարդ է մահացել, 1–ը` վնասվածքներ ստացել։ Տեղեկությունը հայտնում է shamshyan.com–ը։
«Ժամը 15:40-ի սահմաններում Վանաձոր-Սպիտակ ավտոճանապարհին բախվել են «Mercedes Sprinter» և «Toyota Carina» մակնիշի ավտոմեքենաները: 2 հոգի տեղում մահացել է, ևս 1 մարդ տեղափոխվել է «Վանաձոր» բժշկական կենտրոն»,– ասված է հաղորդագրությունում:
Վթարի փաստով քննչական վարչությունում նախաձեռնվել է քրեական վարույթ։ Վարորդների, մահացածների և տուժածի ինքնությունը պարզվում է։