Կալիֆոռնիայի Մալիբու քաղաքի մոտակայքում խոշոր անտառային հրդեհ է մոլեգնում, մոտակա շրջանների բնակիչները տարհանվում են։ Այս մասին հայտնում է CBS News-ը՝ հղում անելով հրշեջներին և տեղական իշխանություններին։
Նշվում է, որ հրդեհն ավելի քան 750 հա է ընդգրկել, ականատեսներն ու հրշեջներն ասում են, որ որոշ տներ արդեն այրվել են։ Հրդեհի մարմանը ներգրավվել է ավիացիան։
Թեև հրդեհի պատճառն անհայտ է մնում, հեռուստաալիքը ուշադրություն է հրավիրում այն հանգամանքին, որ կրակի տարածմանը նպաստել է ուժեղ քամին։
Լրատվամիջոցները նշում են նաև, որ վտանգի տակ են հայտնվել մի շարք հայտնիների և «աստղերի», մասնավորապես՝ Լեդի Գագայի, Ջուլիա Ռոբերթսի, Ջեյ Զիի, Բեյոնսեի և այլոց առանձնատները։