ԵՐԵՎԱՆ, 5 դեկտեմբերի – Sputnik. Հայաստանի Հանրապետության տարածքում առաջիկա 5 օրերին սպասվում է առանց տեղումների եղանակ։ Տեղեկությունը հայտնում է ՀՀ ՇՄՆ Հիդրոօդերևութաբանության և մոնիտորինգի կենտրոնը։
Տեղեկացվում է, որ օդի ջերմաստիճանն էապես չի փոխվի։ Իսկ քամին հյուսիսարևելյան է, 2-5մ/վ արագությամբ։
Երևան քաղաքում ևս դեկտեմբերի 5-9-ին սպասվում է առանց տեղումների եղանակ։ Մայրաքաղաքում դեկտեմբերի 5-ի ցերեկը կլինի 7-9 աստիճան տաքություն, իսկ երեկոյան ժամերին կգրանցվի +2...+4 աստիճան։