Սումգայիթի 13-րդ միկրոշրջանում բնակելի շենքում պայթյուն է տեղի ունեցել, հայտնում են ադրբեջանական լրատվամիջոցները: Նախնական տվյալներով ՝ միջադեպի հետևանքով տուժել է առնվազն երեք մարդ, նրանց տեղափոխել են հիվանդանոց: Եվս մեկ բնակիչ կարող է փլատակների տակ լինել։
Դեպքի վայրում կատարվում են որոնողափրկարարական աշխատանքներ: Ոստիկանները պահպանության տակ են վերցրել տարածքը։
Ադրբեջանի ՆԳՆ-ից հավաստիացրել են, որ իրավապահները անհրաժեշտ միջոցներ են ձեռնարկում բնակիչներին տարհանելու համար:
Ըստ նախնական վարկածի ՝ միջադեպի պատճառը գազի արտահոսքն է եղել։