ԵՐԵՎԱՆ, 26 նոյեմբերի – Sputnik. Հայաստանի Հանրապետության շրջանների զգալի մասում այսօր և վաղը սպասվում են տեղումներ, լեռնային շրջաններում ձյան, նախալեռնային և հովտային շրջաններում` թաց ձյան և ձնախառն անձրևի տեսքով։ Նոյեմբերի 29-30-ին սպասվում է առանց տեղումների եղանակ։ Տեղեկությունը հայտնում է ՀՀ ՇՄՆ Հիդրոօդերևութաբանության և մոնիտորինգի կենտրոնը։
Քամին կլինի հյուսիսարևմտյան` 2-5 մ/վ արագությամբ։ Օդի ջերմաստիճանը նոյեմբերի 26-28-ին աստիճանաբար կնվազի 6-10 աստիճանով։
Երևան քաղաքում նույնպես նոյեմբերի 26-28-ին սպասվում են տեղումներ, բարձրադիր գոտում` թաց ձյան տեսքով։