ԵՐԵՎԱՆ, 22 նոյեմբերի – Sputnik. Այսօր վթարի հետևանքով մահացել է Հայաստանի կարատեի ազգային ֆեդերացիայի մարզիկ Մկրտիչ Ղազարյանը: Տեղեկությունը հայտնում է Հայաստանի կարատեի ազգային ֆեդերացիան։
«Մկրտիչը 33 տարեկան էր, Հայաստանի առաջնությունների բազմակի չեմպիոն, միջազգային մրցաշարերի հաղթող, ֆեդերացիայի լավագույն մարզիկներից։ Հայաստանի կարատեի ազգային ֆեդերացիայի ողջ անձնակազմը վշտակցում է Մկրտիչ Ղազարյանի ընտանիքին և հարազատներին»,– նշված է հաղորդագրության մեջ։
Ավելի վաղ ՆԳՆ փրկարար ծառայությունը հայտնել էր, որ Երևանում այս գիշեր ավտոմեքենաների և մոտոցիկլետի բախման հետևանքով մոտոցիկլետի վարորդ Մ. Ղ-ն մահացել է։