Ե՞րբ կվերադառնան տեղումները. եղանակի տեսություն

ԵՐԵՎԱՆ, 22 նոյեմբերի – Sputnik. Հայաստանի Հանրապետության տարածքում նոյեմբերի 22-24-ին սպասվում է առանց տեղումների եղանակ։ Նոյեմբերի 25-ի գիշերը և 26-ի ցերեկը առանձին շրջաններում, 25-ի ցերեկը և 26-ի գիշերը հանրապետության ողջ տարածքում սպասվում են տեղումներ, լեռնային և նախալեռնային շրջաններում ձյան տեսքով։ Տեղեկությունը հայտնում է ՀՀ ՇՄՆ Հիդրոօդերևութաբանության և մոնիտորինգի կենտրոնը։

Քամին հյուսիսարևմտյան է, 2-5 մ/վ արագությամբ, նոյեմբերի 25-ին առանձին շրջաններում սպասվում է նաև քամու ուժգնացում մինչև 17-20մ/վ։ Օդի ջերմաստիճանը նոյեմբերի 25-ի ցերեկը, 26-ին կնվազի 6-10 աստիճանով։

Երևան քաղաքում նոյեմբերի 22-24-ին սպասվում է առանց տեղումների եղանակ։ Նոյեմբերի 25-26-ին սպասվում են տեղումներ։ Մայրաքաղաքում նոյեմբերի 22-ի ցերեկը կլինի 13-15 աստիճան տաքություն, իսկ երեկոյան ժեմերին կգրանցվի +7...+9 աստիճան։