ԵՐԵՎԱՆ, 18 նոյեմբերի – Sputnik. Արթիկ–Պեմզաշեն ճանապարհին տեղի է ունեցել ճանապարհատրանսպորտային պատահար, կա զոհ։ Տեղեկությունը հայտնում է ՀՀ ՆԳՆ փրկարար ծառայությունը։
Նշվում է, որ դեպքը տեղի է ունեցել նոյեմբերի 17-ին` ժամը 22։05-ին, բախվել են «GAZ» (վարորդ` Ա.Գ., ծնված 1973 թ.) և «Opel» (վարորդ` Ա.Հ., ծնված 2007 թ.) մակնիշների մեքենաները։
«Մինչ փրկարարների կանչի վայր հասնելն «Opel» մակնիշի ավտոմեքենայի ուղևոր Ս. Ն.-ն և «GAZ» մակնիշի ավտոմեքենայի ուղևոր Զ. Ս.-ն (ծնված 1981 թ.) տեղափոխվել են բժշկական կենտրոններ: Փրկարարները դուրս են բերել մեքենաների վարորդներին, ինչպես նաև «GAZ»–ի ուղևոր Ռ.Շ.–ին (ծնված 1984 թ.)»,– ասված է հաղորդագրությունում։
Բոլոր տուժածները հոսպիտալացվել են, հիվանդանոցում արձանագրվել է 17-ամյա Ա.Հ.–ի մահը։