Սևաստոպոլում մեքենա է պայթեցվել. ՌԴ զինծառայող է զոհվել

ԵՐԵՎԱՆ, 13 նոյեմբերի – Sputnik. Սևաստոպոլում մեքենա են պայթեցրել, որում զինվորական է եղել։ Նա մահացել է։ RT-ն գրում է, որ ենթադրաբար, պայթուցիկ սարքը տեղադրված է եղել վարորդի կողմում։

Սևաստոպոլի քաղաքապետ Միխայիլ Ռազվոժաևը հաստատել է, որ մեքենայի պայթյունի հետևանքով զոհված տղամարդը զինվորական է։ Նրա խոսքով` պայթյունի պատճառները դեռ պետք է պարզվեն, սակայն դիվերսիայի հավանականությունը չի կարելի բացառել։

Ավելի վաղ տելեգրամյան ալիքները գրել էին, որ, մեքենայի վնասվածքների բնույթից դատելով` Սևաստոպոլում մեքենայի պայթյունի պատճառը եղել է ինքնաշեն պայթուցիկ սարքը, որը տեղադրված է եղել վարորդի նստատեղի տակ:

Mash Telegram–ալիքի տվյալներով՝ պայթյունից տուժածը 40-45 տարեկան տղամարդ է, որը մեքենայից դուրս բերելու պահին գտնվել է ծայրահեղ վիճակում, ոտքերի մասնակի տրավմատիկ անդամահատում է ստացել։ Տուժածը ստացած վնասվածքներից մահացել է։

Ինչպես հայտնում է Baza–ն, մահացածը Սևծովյան նավատորմի առաջին աստիճանի կապիտան է։