Թրամփը ելույթ է ունեցել հաղթանակից հետո և խոստացել «ոչ թե պատերազմներ», «այլ դրանց ավարտ»

ԵՐԵՎԱՆ, 6 նոյեմբերի – Sputnik. ԱՄՆ նորընտիր նախագահ Դոնալդ Թրամփը հաղթանակից հետո համախոհների առաջ իր առաջին ելույթում հայտարարել է, որ մտադիր է «ոչ թե հրահրել պատերազմներ», «այլ դրանց վերջ դնել»։

Քաղաքական գործիչը հայտարարել է, որ ԱՄՆ նախագահի պաշտոնում իր նախորդ ժամկետի ժամանակ ամերիկացիները «որևէ պատերազմ չեն տեսել», բացառությամբ այն պարտության, որը նրանք մատնեցին «Իսլամական պետությանը»։

Ավելի վաղ Ներկայացուցիչների պալատի խոսնակը հայտարարեց, որ ԱՄՆ նախագահ է ընտրվել Դոնալդ Թրամփը։ Նա հավաքել էր 277 ձայն, իսկ հաղթանակի համար անհրաժեշտ էր 270 քվե։ Թրամփը կարող է 120 տարվա ընթացքում դառնալ առաջին նախագահը, որը չկարողացավ վերընտրվել, սակայն հետագայում կրկին մասնակցեց ընտրություններին և հաղթանակ տարավ։ 19-րդ դարում նման բան հաջողվել էր 22-րդ և 24-րդ նախագահ Գրովեր Քլիվլենդին։