ԵՐԵՎԱՆ, 23 հոկտեմբերի – Sputnik ՀՀ պաշտպանության նախարար Սուրեն Պապիկյանը Հայաստանում Վրաստանի նոր ռազմական կցորդ Թեյմուրազ Մաիսուրաձեի հետ քննարկել է Հայաստանի և Վրաստանի միջև պաշտպանության բնագավառում համագործակցության ընթացքն ու հեռանկարները։ Տեղեկությունը հայտնում է ՀՀ պաշտպանության նախարարությունը։
Հանդիպմանը ներկա է եղել նաև Վրաստանի արտակարգ և լիազոր դեսպան Գեորգի Շարվաշիձեն։
Սուրեն Պապիկյան
© Photo : press office of MoD of RA
Պապիկյանը փոխգնդապետ Թեյմուրազ Մաիսուրաձեին արդյունավետ աշխատանք է մաղթել պաշտպանական գերատեսչությունների միջև համագործակցության զարգացման և ամրապնդման գործում:
Զրուցակիցները կարծիքներ են փոխանակել տարածաշրջանային անվտանգության և միջազգային զարգացումների վերաբերյալ: