Երևանում օտարերկրացիներ են ձերբակալվել թմրամիջոց պահելու և օգտագործելու կասկածանքով

Երևան քաղաքի պարեկները Շենգավիթի փողոցում ապօրինի թմրամիջոց պահելու և օգտագործելու կասկածանքով ձերբակալել և ոստիկանության Շենգավիթի բաժին են տեղափոխել 35 և 31 տարեկան երկու օտարերկրացիների: Տեղեկությունը հայտնում է ՀՀ ՆԳՆ ոստիկանությունը։

31-ամյա երիտասարդի մոտ հայտնաբերվել է ընդհանուր 46 գրամից ավելի բյուրեղանման զանգվածով 34 փաթեթ:

Նա հայտնել է, որ բյուրեղանման զանգվածը թմրանյութ է:

35-ամյա երիտասարդի մոտ հայտնաբերվել է ծալովի դանակ:

Կազմված փաստաթղթերը փոխանցվել են քննչական բաժին: