ԵՐԵՎԱՆ, 22 հոկտեմբերի – Sputnik. Այսօր առավոտյան Արագածոտնի մարզում բախվել են Արթիկ-Երևան երթուղին սպասարկող «Գազելն» ու «ԶԻԼ 130»-ը: Այս մասին Sputnik Արմենիային հայտնեցին ՀՀ ՆԳՆ մամուլի ծառայությունից։
Նախնական տվյալներով` տուժել է 5 անձ, նրանք տարբեր աստիճանի մարմնական վնասվածքներով տեղափոխվել են բժշկական կենտրոն։
Դեպքը տեղի է ունեցել Արթիկ-Ալագյազ ավտոճանապարհի Հնաբերդ-Գեղաձոր հատվածում։