ԵՐԵՎԱՆ, 21 հոկտեմբերի – Sputnik. Ռուսաստանի նախագահ Վլադիմիր Պուտինը հանդիպումներ կունենա գրեթե բոլոր առաջնորդների հետ, որոնք կմասնակցեն ԲՐԻԿՍ–ի գագաթնաժողովին: Տեղեկությունը հայտնում է Կրեմլի մամուլի ծառայությունը։
Նշվում է, որ հոկտեմբերի 22-24-ը Պուտինը կմասնակցի ԲՐԻԿՍ–ի 16-րդ գագաթնաժողովին, որը Ռուսաստանն անցկացնում է արդարացի գլոբալ զարգացման և անվտանգության համար բազմակողմանիություն ամրապնդելու նշանաբանով:
«Ռուսաստանի Դաշնության նախագահը երկկողմ հանդիպումներ կունենա գագաթնաժողովին մասնակցող գրեթե բոլոր առաջնորդների հետ», - ասված է հաղորդագրության մեջ:
Հիշեցնենք, որ ԲՐԻԿՍ գագաթնաժողովը կանցկացվի Կազանում հոկտեմբերի 22-24-ը:
ԲՐԻԿՍ–ը միջկառավարական կազմակերպություն է, որը ստեղծվել է 2006 թվականին: Ռուսաստանը 2024 թվականի հունվարի 1-ից ստանձնել է կառույցի նախագահությունը։ Տարին սկսվել է կազմակերպությանը նոր պետությունների անդամակցությամբ․բացի ՌԴ-ից, Բրազիլիայից, Հնդկաստանից, Չինաստանից և ՀԱՀ-ից, ԲՐԻԿՍ-ի անդամ են դարձել նաև Եգիպտոսը, Եթովպիան, Իրանը, ԱՄԷ-ն և Սաուդյան Արաբիան: ՌԴ-ն իր նախագահության շրջանակում նախատեսում է ավելի քան 200 քաղաքական, տնտեսական և հասարակական միջոցառում կազմակերպել:
Միավորման գագաթնաժողովը կանցկացվի Կազանում հոկտեմբերի 22-24-ը։
Միջոցառմանը կմասնակցեն 33 միջազգային պատվիրակություններ, այդ թվում` առնվազն 26 պետությունների ղեկավարներ: Թաթարստանի մայրաքաղաք մեկնելու համաձայնություն են տվել Բրազիլիայի նախագահ Լուիս Ինասիու Լուլա դա Սիլվան, Հնդկաստանի վարչապետ Նարենդրա Մոդին, Հարավաֆրիկյան Հանրապետության նախագահ Սիրիլ Ռամապոսան, ՉԺՀ նախագահ Սի Ծինփինը, Հայաստանի վարչապետ Նիկոլ Փաշինյանը, Թուրքիայի նախագահ Ռեջեփ Թայիփ Էրդողանը, Լաոսի նախագահ Տխոնգլուն Սիսուլիտը և այլք: