Հորդառատ տեղումների պատճառով այսօր ու վաղը հանրապետության գետերի մեծ մասում սպասվում է ջրի ելքերի զգալի մեծացում: Մասնավորապես Երևանում՝ տեղումները լինելու են հոկտեմբեր ամսվա նորմայի 100-ից 150 տոկոսի չափով։
Երևանում հեղեղումների վտանգը մեղմելու համար քաղապետարանն ու «Վեոլիա ջուր» ընկերությունը երեկվանից սկսկել են կանխարգելիչ միջոցառումներ։ Վարչական շրջաններում սահմանվել են հերթապահություններ՝ տեղերում հնարավոր ջրականգերին արագ միջամտելու և լոկալ բնույթի խնդիրները վերացնելու նպատակով։
«Հանրապետության գրեթե բոլոր գետերում սպասվում են ջրի ելքերի մեծացումներ, առանձին գետավազաններում դրանք կլինեն զգալի»,- Sputnik Արմենիայի հետ զրույցում մանրամասնել է «Հիդրոօդերևութաբանության ու մոնիտորինգի կենտրոնի» հիդրոլոգիայի ծառայության պետ Ամալյա Միսակյանը։