Վաղվանից օդի ջերմաստիճանը կբարձրանա. եղանակի տեսություն

ԵՐԵՎԱՆ, 5 հոկտեմբերի – Sputnik. Հայաստանի Հանրապետության տարածքում հոկտեմբերի 5-ից 9-ը սպասվում է առանց տեղումների եղանակ։ Տեղեկությունը հայտնում է ՀՀ ՇՄՆ Հիդրոօդերևութաբանության և մոնիտորինգի կենտրոնը։

Հաղորդագրության համաձայն` քամին կլինի արևմտյան՝ 2-4 մ/վ արագությամբ։

Օդի ջերմաստիճանը հոկտեմբերի 6-8-ին աստիճանաբար կբարձրանա 4-6 աստիճանով։

Երևան քաղաքում նույնպես հոկտեմբերի 5-ից 9-ը սպասվում է առանց տեղումների եղանակ։

Օդի ջերմաստիճանը մայրաքաղաքում ցերեկային ժամերին կլինի +24–ից +26–ի միջակայքում։