Էջմիածնի Մայր տաճարում ավարտվեց վերաօծման արարողությունն ու Սուրբ պատարագը։ Ամենայն հայոց կաթողիկոսը Մայր տաճարում և դրսում հավաքվածներին օրհնեց Սուրբ խաչով։
Հիշեցնենք՝ այսօր վերաօծվեց էջմիածնի Մայր տաճարը, որի վերականգնման աշխատանքները մեկնարկել էին 2018-ի վերջից։ Երեկ կատարվել էր մյուռոնօրհնությունը։
Նշենք, որ Մայր տաճարի հիմնանորոգման աշխատանքներն ընդհանուր առմամբ ընթացել են 12 տարի։ 1–ին փուլով կատարվել են հետազոտման, նախագծման աշխատանքները, 2–րդ փուլում արդեն բուն շինարարական աշխատանքներն են եղել։ Մայր տաճարը փակ էր այցելուների համար 2018 թվականի վերջից։
Նման ծավալի վերանորոգման աշխատանքներ երբևէ չեն եղել, միայն 1620–ական թթ. Մովսես Տաթևացի կաթողիկոսի ժամանակ է եղել մեծածավալ վերանորոգում։
Էջմիածնի Մայր տաճարն ընդգրկված է ՅՈւՆԵՍԿՕ–ի համաշխարհային ժառանգության ցանկում, այդ պատճառով, ըստ նրա, վերանորոգման համար յուրաքանչյուր քար, շինանյութ ընտրվել ու համաձայնեցվել է ըստ ՅՈւՆԵՍԿՕ–ի և ՀՀ օրենսդրության պահանջների ու ստանդարտների։