ԵՐԵՎԱՆ, 26 սեպտեմբերի - Sputnik. Ռուսաստանը ԲՐԻԿՍ-ի երկրների հետ միասին աշխատում է սեփական վճարային գծի ստեղծման վրա՝ ամբողջ արտաքին առևտրի արդյունավետ և անկախ սպասարկման համար։ Այս մասին հայտարարել է Ռուսաստանի նախագահ Վլադիմիր Պուտինը՝ ելույթ ունենալով «Ռուսական էներգետիկ շաբաթ» միջազգային համաժողովի լիագումար նիստում։
Նա նշել է, որ ՌԴ գործընկերները շահագրգռված են ռուսական արտահանման վճարման հարցում ազգային արժույթներին անցնելու հարցում:
«Առանձին հարցը վերաբերում է ֆինանսական ենթակառուցվածքին, մասնավորապես՝ ռուսական արտահանման դիմաց վճարումներին։ Այստեղ, իհարկե, դժվարություններ կան. խնդիրը լուծելու համար մենք անցնում ենք ազգային արժույթներով գործարքների, և մեր գործընկերները դրանում մեծապես շահագրգռված են», - հայտարարել է Պուտինը։
Նա հայտնել է արտահանման վճարների հետ կապված դժվարությունները հաղթահարելու մասին. անցում է կատարվում ազգային արժույթներին, ՌԴ արտաքին առևտրային հաշվարկներում ռուբլու մասնաբաժինը մոտենում է 40%-ին։ 21-րդ դարում գլոբալ աճը, Ռուսաստանի ղեկավարի խոսքով, կկենտրոնանա ԲՐԻԿՍ–ի երկրներում, թեև Եվրոպայի և Հյուսիսային Ամերիկայի «արգելակման ուղին» երկար կլինի: Աճի տեմպերով առաջատարները կդառնան գլոբալ հարավի պետությունները։
«Ռուսական էներգետիկ շաբաթը» տեղի է ունենում Մոսկվայում սեպտեմբերի 26-ից 28-ը: ՌԻԱ Նովոստին հանդես է գալիս որպես միջոցառման տեղեկատվական գործընկեր: